చిలకలూరిపేటలో అగ్నిప్రమాదం క్షణాల్లో బూడిదైన టీ దుకాణం
చిలకలూరిపేటలో అగ్నిప్రమాదం క్షణాల్లో బూడిదైన టీ దుకాణం
52 ఎకరాలు టీడ్కో హౌస్ నందు
పల్నాడు జిల్లా చిలకలూరిపేట:
పట్టణంలోని 52 ఎకరాల ప్రాంతంలో ఉన్న ఒక టీ స్టాల్లో ఆదివారం ఊహించని విధంగా ఈ అగ్నిప్రమాదం సంభవించింది. వ్యాపారం సాగుతున్న సమయంలో ఒక్కసారిగా గ్యాస్ సిలిండర్ లీక్ కావడంతో క్షణాల్లోనే మంటలు ఉవ్వెత్తున ఎగిసిపడ్డాయి. చూస్తుండగానే మంటలు షాపు అంతటా వ్యాపించి చుట్టుపక్కల దట్టమైన పొగలు కమ్ముకున్నాయి.
*సకాలంలో స్పందించిన స్థానికులు*
మంటలు వేగంగా పక్కన ఉన్న నివాసాలు, దుకాణాలకు వ్యాపించే ప్రమాదం ఉండటంతో చుట్టుపక్కల వారు తీవ్ర భయానికి గురయ్యారు. వెంటనే అప్రమత్తమైన స్థానికులు మరియు యువకులు సమయస్ఫూర్తితో వ్యవహరించారు. తమ ప్రాణాలను సైతం లెక్కచేయకుండా వెంటనే నీళ్లు చల్లి మంటలను అదుపులోకి తెచ్చేందుకు తీవ్రంగా శ్రమించారు. సకాలంలో స్థానికులు చేసిన సాహసోపేతమైన ప్రయత్నాల వల్లే పెను ప్రమాదం తప్పింది.
*బూడిదైన దుకాణం.. తప్పిన ప్రాణనష్టం*
మంటల ధాటికి టీ స్టాల్ పూర్తిగా దగ్ధమైంది. లోపల ఉన్న ఫర్నిచర్, సరుకులు, ఇతర వస్తువులన్నీ కాలి బూడిదయ్యాయి. దీనితో చిరు వ్యాపారికి భారీగానే ఆస్తి నష్టం వాటిల్లింది. అయితే, అదృష్టవశాత్తూ ఈ ప్రమాద సమయంలో ఎవరూ లోపల చిక్కుకోకపోవడం, ఎవరికీ ఎలాంటి ప్రాణాపాయం జరగకపోవడంతో స్థానికులు, అధికారులు ఊపిరి పీల్చుకున్నారు.
Comments
Post a Comment